НАБЗИ РЎЗ

ВОРУХ: БУНЁДИ ШЎЪБАИ ЉАРРОЊИИ БЕМОРХОНА

Бо иќдоми Раиси вилояти Суѓд Абдурањмон Ќодирї барои бунёд ва бо лавозимоти зарурї муљањњаз намудани шўъбаи љарроњї дар беморхонаи минтаќавии љамоати дењоти ноњияи Исфара аз њисоби буљети вилоятї 1 миллион сомонї маблаѓ људо гардидааст. Дар арафаи Иди касбии кормандони соњаи тандурустї бинокорон ба бунёди ин шўъбаи нави беморхонаи дењот оѓоз намуданд.

Сокинони дењаи баландкўњи Ворух умед доранд, ки бо бунёд ва мавриди истифода ќарор гирифтани шўъбаи љарроњї дар беморхонаи дења мушкилоти чандинсолаашон њалли худро хоњад ёфт. Зеро дења аз маркази ноњия 45 км дурї дорад ва сокинони он дар њолати зарурї маљбур њастанд беморони худро ба шифохонаи шањри Исфара барои табобат баранд. Бар замми ин азбаски роњ аз миёни рустои ќирѓизнишин мегузарад, баъзан мукшлиотро боз њам печидатар мекунад.

Раиси собиќи љамоати дењоти Ворух Лоиќ Мањкамов њодисањои начандон дурро ёдовар шуда, гуфт, ки дар яке аз шабњои муноќиша бо њамсояњо Зикриё, љавони 35 солаи њамдењаамонро, ки бемории рўдааш хурўљ карда буд, ба беморхонаи Ворух оварданд. Табибон ќариб як соат муоина карданду илољи табобаташро наёфтанд. Ноилољ њамроњи хешонаш дар мошинаи ёрии таъљилї роњи Исфараро пеш гирифтем. Аммо дар сарњад њамсояњои ба шўромада роњро баста буданд. Нагузоштанд, ки њаракат кунем. Ќариб буд рўдаи бемор кафад…

Сохтмони шўъбаи љарроњї, ки бо иќдоми маќомоти иљроияи њокимияти давлатии вилоят ва мањал сурат мегирад, албатта ба њалли бисёр мушкилот ва муаммоњои пешомадаи сокинони љамоати Ворух, ки беш аз 30 њазор ањолї дораду яке аз љамоатњои калонтарини вилоят аст, мусоидат менамояд.

Сардори раёсати тандурустии вилоят Салом Абдуќодирович Вањњобов  дар шарњи ин иќдом афзуд, ки маќсад аз ин бунёдкорї он аст, ки сокинони дењот дар љои зисти худ ба хадамоти тиббї дастрас шаванд. Бунёди шўъбаи љарроњї дар Ворух яке аз чунин амалњо аст. Минбаъд хадамот кўшиш мекунад, дар дењот барои муоина, ташхису табобат шароити мусоидро фароњам гардад, то сокинон сарсону саргардон шуда, барои хизматрасонии тиббї роњи шањру марказњои ноњияњоро пеш нагиранд.

Зарурият ба таъкид аст, ки дар иќдомаи икдоми неки Раиси вилоят  маќоати иљроияи њокимияти давлатии шањри Исфара бањри тањкими заминаи моддиву техникии муассисањои тандурустї ва ба васила бењбудї бахшидан ба сатњу сифати хизматрасонии тиббї эътибори хосса медињад, ки ин амал барои зиёд шудани њаљми маблаѓгузории соњаи тандурустї мусоидат менамояд. Ин аст, ки соли 2015 маблаѓгузории соњаи тандурустї 23 миллиону 410 њазор сомонї ба накша гирифта шудааст, ки 28,4 фоизи њаљми умумии буљети шањрро ташкил карда, назар ба соли гузашта наздик 997 њазор сомонї зиёд мебошад.

Дар доираи малигашти лоињањои барои соли 2015 ба наќшагирифташуда дар беморхонаи марказии шањр таъмири куллии шўъбаи амрози дил ба анљом расид, бо истифода аз 900 њазор сомонї маблаѓњои буљети љумњуриявї таъмири асосии шўъбаи осебшиносї ва боми бинои шўъбањои мазкур идома дорад.

Њамчунин бо истифода аз сарчашмањои гуногуни молиявї таъмиру ободонии шўъбањои амрўзи гўшу гулўю биннї, амрози занона, навзодон, таваллудхона ва шўъбаи эњёи кўдакони беморхонаи марказї, шўъбаи бачагонаи беморхонаи минтаќавии чоркўњ, таваллудхонаи дењоти Чилгазї ва Ворух, боми биноњои  марказњои саломатии шањр ва дењоти Навлигем, Кўлканду Чилгазї босифат анљом дода шуданд. Њамзамон, беморхонаи марказї ва муассисањои кўмаки аввалияи тиббию санитарии шањр аз њисоби сарчашмањои молиявии худї 12 номгўй таљњизоти замонавии ташхисиву табобатиро харидорїнамуданд.

Раванди бунёдкориву созандагї, ободонии муассиањои табобатии шањру дењоти Исфара дар Соли гулњо вусъати тоза мегирад. Сохтмони  шўъбаи љарроњии беморхонаи минтаќавии Ворух дар ин раванд идома ёфта, дар муддати кўтоњтарин бунёд мегардад ва мавриди бањрабардории сокинон ќарор мегирад.

Муслима РАЊИМОВА